મોરબી-વાંકાનેર નેશનલ હાઇવે ઉપર ટ્રક કન્ટેઇનરે બાઇકને સામેથી અથડાવતા ચાલક ગંભીર ઘાયલ

મળતી માહિતી અનુસાર મોરબી વાંકાનેર નેશનલ હાઇવે ઉપર રિઝન્ટા હોટલ સામે ગત તા.૦૩/૦૫ના રોજ ટ્રક કન્ટેઇનર રજી.જીજે-૧૨-બીવાય-૦૯૬૪ના ચાલકે પોતાનું ટ્રક કન્ટેઇનર ગફલતભરી રીતે અને પુરઝડપે ચલાવી હાઇવે રોડ ઉપર સામેથી આવતા હીરોહોન્ડા સ્પેલન્ડર રજી. જીજે-૩૬-ઈ-૦૭૫૦ની સાથે અથડાવી સ્પ્લેન્ડર બાઈક સવાર જીશાનભાઈ મકબુલભાઈ કલાડીયા ઉવ.૨૨ રહે.હાલ. મોરબી-૨ મધુવન સોસાયટી મુળરહે. ચોટીલા જુના બસ સ્ટેન્ડ પાસે સાઈન સોસાયટીને પગમાં તથા મોઢાના ભાગે તેમજ વાસાના ભાગે ફ્રેક્ચર જેવી ગંભીર ઈજાઓ પહોંચાડી તથા સ્પ્લેન્ડર બાઇકમાં નુકસાની કરી હતી. અકસ્માતના બનાવ અંગે જીશાનભાઈએ ટ્રક કન્ટેઈનરના ચાલક વિરુદ્ધ ફરિયાદ નોંધાવતા મોરબી તાલુકા પોલીસે આરોપી ટ્રક કન્ટેઇનર ચાલક વિરુદ્ધ ગુનો નોંધી આગળની તાપસ ચલાવી છે.