વાંકાનેરના માટેલ ગામે દર્શનાર્થે આવેલ રાજકોટના યુવકનું માટેલ ધરામાં ડૂબી જવાથી મોત

વાંકાનેર તાલુકાના પ્રસિદ્ધ માટેલ ગામે ખોડિયાર માતાજીના મંદિરે દર્શન કરવા આવેલા રાજકોટના નવજીવન હોલ સામે આવેલ ન્યુ સુભાષનગર સોસાયટી શેરી નં.૨ માં રહેતા રાજેશભાઇ ભીમજીભાઈ પાનસુરીયા ઉવ.૪૦ ગઈકાલ તા.૦૪/૧૨ ના રોજ માટેલ-ધરાના દર્શન કરતા સમયે અચાનક અકસ્માતે પગ લપસતા રાજેશભાઇ ધરાના પાણીમાં પડી ગયા હતા જેથી તેઓનું પાણીમાં ડૂબી જતાં મોત નીપજ્યું હતું, હાલ વાંકાનેર તાલુકા પોલીસે મૃત્યુના આ બનાવમાં માટેલ ગામના હર્ષદ ઉર્ફે મુનાભાઇ રણદાસ દુધરેજીયા પાસેથી પ્રાથમિક વિગતો મેળવી મૃતક રાજેશભાઇના અકાળે મૃત્યુની અ.મોત રજીસ્ટર કરી આગળની વધુ તપાસ શરૂ કરી છે.