ટંકારાના મિતાણા ગામે વાડીએથી ખેતશ્રમિકના બાઇકની ચોરી અંગે ફરિયાદ નોંધાઈ.

મળતી માહિતી અનુસાર, મૂળ દાહોદ જીલ્લાના તળાય ફળીયાના વતની હાલ ટંકારા તાલુકાના મિતાણા વાલાસણ રોડ ઉપર આવેલ હરકાંતભાઈ ગજેરાની વાડીએ રહેતા ખેત-શ્રમિક દિતીયાભાઈ હિમરાજભાઈ ભુરીયા ઉવ.૩૨ એ ટંકારા પોલીસ મથકમાં પોતાના ચોરી થયેલ બાઇક અંગે અજાણ્યા વાહન ચોર વિરુદ્ધ ફરિયાદ નોંધાવી છે.

જે ફરિયાદમાં જણાવ્યા અનુસાર, ફરિયાદી દિતીયાભાઈએ ગઈ તા. ૦૫/૦૨ના રોજ પોતાનું યામાહા કંપનીનુ એફ.ઝેડ.એસ. મેટ ડાર્ક ગ્રે લીફ ગ્રીન કલરનુ મોટર સાયકલ રજી.નં.જીજે-૨૦-બીએચ-૮૭૬૭ વાળુ મિતાણા વાલાસણ રોડ હરકાંતભાઈ રામજીભાઈ ગજેરાની વાડીએ પાર્ક કર્યું હતું જ્યાંથી કોઈ અજાણ્યા વાહન ચોર ઈસમ ચોરી કરી લઈ ગયો હોય, ત્યારે પ્રથમ ઇ એફઆઈઆર બાદ રૂબરૂ ટંકારા પોલીસ મથકમાં બાઇક ચોરી અંગે ફરિયાદ નોંધાવતા પોલીસે આરોપી અજાણ્યા વાહન તસ્કર વિરુદ્ધ ગુનો નોંધી કાયદેસરની કાર્યવાહી હાથ ધરવામાં આવી છે.