મોરબી:સો ઓરડી નજીક ૨૨૫ લીટર દેશી દારૂ સાથે એકની અટક,મહિલા બુટલેગરનું નામ ખુલ્યું.

મોરબી બી ડિવિઝન પોલીસ ટીમ પેટ્રોલિંગમાં હોય તે દરમિયાન સામાકાંઠા વિસ્તારમાં ચામુંડાનગરથી માળીયા વાનાળીયા જવાના રસ્તે પ્લાસ્ટિકના બાચકામાં દેશી દારૂ લઈને વેચવા બેઠેલ આરોપી મહેશભાઈ કરશનભાઇ ચાવડા ઉવ.૪૨ રહે.મોરબી-૨ માળીયા વાનાળીયા વાળાને રંગેહાથ પકડી લેવામાં આવ્યો હતો, ત્યારે પોલીસે આરોપીને દેશી દારૂના જથ્થા વિશે સઘન પૂછપરછ કરતા આ દેશી દારૂ મહિલા બુટલેગર આરોપી સોનલ ઉર્ફે સોનકી અબ્બાસભાઈ કટીયા રહે.મોરબી-૨ માળીયા વાનાળીયા સોસાયટી વાળીનો હોય જે અહીં વેચાણ કરવા મોકલ્યો હોવાની પકડાયેલ આરોપી દ્વારા કબુલાત આપતા પોલીસે મહિલા આરોપીને ફરાર દર્શાવી કુલ ૨૨૫ લીટર દેશી દારૂ કિ.રૂ.૪૫,૦૦૦/-નો મુદ્દામાલ કબ્જે લઈ બંને આરોપીઓ વિરુદ્ધ ગુનો રજીસ્ટર કરવામાં આવ્યો છે.