મોરબી જિલ્લા પોલીસ દ્વારા “તેરા તુજકો અર્પણ” કાર્યક્રમ અંતર્ગત “CEIR”પોર્ટલના ઉપયોગથી મોરબીમાંથી આશરે ૩,૪૦,૪૮૬/- ની કિમતના ૨૩ જેટલા ખોવાયેલ મોબાઇલો શોધી કાઢી અરજદારોને પરત આપવામાં આવ્યા છે.
મળતી માહિતી અનુસાર, મોરબી જીલ્લા પોલીસ અધિક્ષક રાહુલ ત્રિપાઠીએ પ્રજા કલ્યાણ તથા પ્રજા ઉપયોગી કાર્યવાહી કરવા સુચના આપી હતી. તેમજ નાયબ પોલીસ અધિક્ષક પી.એ.ઝાલાના માર્ગદર્શન હેઠળ પોલીસ ઇન્સપેક્ટર એન.એ.વસાવા મોરબી સીટી બી ડિવિઝન પોલીસ સ્ટેશન, પોલીસ ઇન્સ્પેકટર આર.સી.ગોહિલ માળીયા મીયાણા પોલીસ સ્ટેશન તેમજ પોલીસ ઇન્સ્પેકટર એસ.કે.ચારેલ મોરબી તાલુકા પોલીસ સ્ટેશનના સુપરવિઝન હેઠળ મોરબી જીલ્લાના અરજદારોના ખોવાયેલ/ચોરાયેલ મોબાઇલ શોધી કાઢવા સ્ટાફને સુચના આપી હતી. જે અનુસંધાને મોરબી સીટી બી ડીવીઝન પોલીસ સ્ટેશનના પોલીસ કોન્સ્ટેબલ દેવાયતભાઇ રાઠોડ, માળીયા મીયાણા પોલીસ સ્ટેશનના પોલીસ કોન્સ્ટેબલ રાજદિપસિંહ ઝાલા તેમજ મોરબી તાલુકા પોલીસ સ્ટેશનના પોલીસ કોન્સ્ટેબલ શોભનાબેન મેર દ્વારા “CEIR” પોર્ટલનો ઉપયોગ કરી “CEIR” મા એન્ટ્રી કરી સતત મોનીટરીંગ રાખી ટેકનીકલ વર્ક આઉટ કરી કુલ ૨૩ જેટલા મોબાઇલ આશરે ૩,૪૦,૪૮૬/- ની કિમતના શોધી કાઢ્યાં હતાં. જેમાં મોરબી સિટી બી ડિવિઝન પોલીસ સ્ટેશનમાં ૧૫, માળીયા મીયાણા પોલીસ સ્ટેશનમાં ૩ અને મોરબી તાલુકા પોલીસ સ્ટેશનમાં ૫ ખોવાયેલ કે ચોરાયેલ મોબાઇલ શોધી કાઢ્યા છે. જે એક સાથે અરજદારોને પરત અપાવી સુરક્ષા સાથે સેવાનુ ઉત્તરદાયિત્વ નિભાવી, પોલીસ પ્રજાની મિત્ર છે એ સુત્રને મોરબી જિલ્લા પોલીસે સાર્થક કરી બતાવ્યું છે.
