મોરબીના જોધપર ગામ પાસે આવેલ મચ્છુ-2 ડેમ રીપેરીંગ તથા ગેટ બદલવાની કામગીરી માટે આવતીકાલે તારીખ 02/08/2024ના રોજ રાત્રે 04:00 વાગ્યે 2 દરવાજા 2 ફૂટ ખોલી 1300 ક્યુસેકનો પ્રવાહ છોડવામાં આવશે.જે તદ્દન વધારીને 3400 ક્યુસેક સુધી લાવવામાં આવશે.
જેથી મચ્છુ 2 ડેમના હેઠવાસમાં આવતા ગામોને અસર થવાની શક્યતા હોવાથી પ્રશાસન દ્વારા સાવચેતીની સૂચના આપવામાં આવી છે.
જેમાં મોરબી તાલુકાના,જોધપર,લીલાપર,ભડીયાદ, ટીંબડી,ધરમપુર,રવાપર,અમરેલી, વનાળીયા,ગોર ખીજડીયા, માનસર,નવા સાદુલકા, જુના સાદુલકા,રવાપર, ગુંગણ,નારણકા, બહાદુરગઢ,જુના નાગડાવાસ,નવા નાગડાવાસ, સોખડા, અમરનગર
તેમજ માળીયા તાલુકાના વીરપરડા, દેરાળા,નવાગામ,મેધપર,હરીપર,મહેન્દ્રગઢ,ફતેપુર,સોનગઢ,માળીયા (મી) ગામોને સાવચેત રહેવા અને નદીના પટમાં અવર જવર ન કરવા તેમજ ઉપરોક્ત ગામના લોકો નદીના પાણીને અવગણના ન કરે અને માલ મિલકત સલામત સ્થળે ખસેડી લેવા તેમજ ઢોર ઢાંખર ને નદીના પટમાં ન જવા દેવા સૂચના આપવામાં આવી છે.
