મોરબી સિટી બી ડિવિઝન પોલીસે ચોક્કસ બાતમીના આધારે રેઇડ કરી ત્રાજપર ખારીમાંથી જુગારીઓને પકડી પાડયા છે. પોલીસે રેઇડ કરી જાહેરમાં જુગાર રમતા પાંચ આરોપીને રોકડ રૂ.૧૦,૨૭૦/- ના મુદામાલ સાથે પકડી કાયદેસરની કાર્યવાહી હાથ ધરવામાં આવી છે.
મળતી માહિતી અનુસાર, મોરબી જીલ્લા પોલીસ અધિક્ષક રાહુલ ત્રીપાઠીની સુચનાથી તેમજ નાયબ પોલીસ અધિક્ષક પી.એ.ઝાલાના માર્ગદર્શન હેઠળ મોરબી જીલ્લામા દારૂ તેમજ જુગારની બદી નેસ્તનામુદ કરી કેશો શોધી કાઢવા સુચના આપી હતી. જે અંતર્ગત પોલીસ ઇન્સપેક્ટર એન.એ.વસાવા મોરબી સીટી બી ડીવીઝન પોલીસ સ્ટેશનના સુપરવિઝન હેઠળ સર્વેલન્સ સ્ટાફ પેટ્રોલીંગ હતા. તે દરમ્યાન પોલીસ કોન્સ્ટેબલ સિધ્ધરાજસિંહ ઝાલાને ખાનગીરાહે બાતમીને આધારે મોરબી-૨ ત્રાજપર ખારી રામજી મંદિર પાસે શેરીમાં જાહેરમાં રેઇડ કરી સવજીભાઇ ભીમાભાઇ સરાણીયા, સોમાભાઇ અરજણભાઇ મકવાણા, લાભુભાઇ કાનજીભાઇ પાટડીયા, બેચરભાઇ કાળુભાઇ બારૈયા અને શારદાબેન સોમાભાઈ મકવાણા નામનાં કુલ ૫ આરોપીઓને ગંજીપાનાના પતા તેમજ રોકડ રૂ.૧૦,૨૭૦/- ના મુદામાલ સાથે પકડી જુગાર ધારા ૧૨ મુજબ ગુન્હો દાખલ કરી આગળની કાર્યવાહી હાથ ધરી છે…
જેમાં એન.એ.વસાવા પોલીસ ઇન્સ્પેકટર, એ.એસ.આઇ. જીતેન્દ્રકુમાર અધારા, પોલીસ હેડ કોન્સ્ટેબલ જગદિશભાઇ ડાંગર, વિજયભાઇ બાર, રાજેશભાઇ ડાંગર, સંજયભાઇ રાઠોડ, જયપાલભાઈ લાવડિયા, પોલીસ કોન્સ્ટેબલ સિધ્ધરાજસિંહ ઝાલા, વિપુલભાઇ બાલસરા, ભાવેશભાઇ કાંટા, રાજપાલસિંહ જાડેજા, દેવાયતભાઇ રાઠોડ તેમજ પ્રિયંકાબેન પૈજા દ્વારા કામગીરી કરવામાં આવી હતી.
