માળીયા(મી)માં આવેલ ત્રણ રસ્તા નજીક આઈ-૨૦ કારમાં દેશી દારૂ લઈ નીકળેલ મોરબીના એક શખ્સની પોલીસ દ્વારા અટક કરવામાં આવી છે, આ સાથે પોલીસે કાર તથા દેશી દારૂનો કિ.રૂ.૨.૫૩ લાખનો મુદ્દામાલ કબ્જે લઈને, પકડાયેલ આરોપી વિરુદ્ધ ગુનો નોંધી કાયદેસરની કાર્યવાહી હાથ ધરી છે.
માળીયા(મી) પોલીસ ટીમ વાહન ચેકીંગની કામગીરીમાં હોય તે દરમિયાન કચ્છ તરફથી આવતી નંબર પ્લેટ વગરની આઈ-૨૦ કારને રોકી તેની તલાસી લેવામાં આવી હતી, ત્યારે કારની પાછળની સીટમાં પ્લાસ્ટિકના બાચકામાં ૧૮ લીટર દેશી દારૂનો જથ્થો કિ.રૂ.૩,૬૦૦/-મળી આવ્યો હતો, જેથી તુરંત કાર-ચાલક આરોપી ધનરાજસિંહ સાંતુભા મકવાણા ઉવ.૨૫ રહે. મોરબી વાવડી રોડ શ્રીજી પાર્ક વાળાની અટક કરવામાં આવી હતી, આ સાથે પોલીસે દેશી દારૂ તથા કાર મળી કુલ કિ.રૂ. ૨,૫૩,૬૦૦/-નો મુદ્દામાલ જપ્ત કરી, પકડાયેલ આરોપી સામે માળીયા(મી) પોલીસ મથકમાં પ્રોહી.એક્ટ હેઠળ ગુનો નોંધી કાયદેસરની કાર્યવાહી હાથ ધરી છે
