મોરબી જીલ્લામાં હાઇવે ઉપર રોંગ સાઇડ ચાલતા ભારે વાહન વિરૂધ્ધ જીલ્લા પોલીસ દ્વારા ત્રણ દિવસીય ચેકિંગ ડ્રાઇવ અંતર્ગત માલસમાનને તાળપત્રી ન લગાવેલ, નંબર પ્લેટ ન હોય તેમજ ટ્રાફિક નિયમોનું પાલન ન કરતા વાહનના ચાલકો પાસેથી ૫૭ હજાર દંડ વસુલવામાં આવ્યો હતો.
મોરબી જીલ્લા પોલીસ અધિક્ષક રાહુલ ત્રીપાઠીના માર્ગદર્શન હેઠળ વાહન અકસ્માતમાં ઘટાડો લાવવા તેમજ ટ્રાફિક નિયમોની સુયોગ્ય અમલવારી કરાવવા માટે વાહન ચેકિંગ ડ્રાઇવ રાખવા આવેલ હતી. જેમાં તા.૧૪ મે થી ૧૬ મે સુધી હાઇવે ઉપર રોંગ સાઇડ ચાલતા ભારે વાહન ચેકિંગ ડ્રાઇવ રાખેલ અને આ ડ્રાઇવ દરમ્યાન જીલ્લાના પોલીસ સ્ટેશન વિસ્તારમાં રોંગ સાઇડ ચાલતા વાહનો તથા વાહનમાં માલ-સામાન ભરેલ હોય અને તાલપત્રી લગાવેલ ન હોય તથા નંબર પ્લેટ વગરના વાહનો વિરૂધ્ધ કડક કાર્યવાહી તેમજ ટ્રાફિક ભંગ કરતા વાહનોના તેવા વાહનો ચાલકો સામે કડક કાર્યવાહી કરવા અંગેની ડ્રાઇવ રાખવામાં આવેલ અને આ ડ્રાઇવ દરમ્યાન કુલ ૮૦૨ વાહનોનું સઘન ચેકિંગ કરી ટ્રાફિક નિયમોનો ભંગ કરતા વાહન ચાલકો વિરૂધ્ધ મોરબી જીલ્લા પોલીસ દ્રારા કડક કાર્યવાહી હાથ ધરવામાં આવી હતી. આ ડ્રાઈવમાં હાઇવે ઉપર ૧૮ ભારે વાહનો રોંગ સાઇડમાં ચાલતા વાહનો ચાલકો સામે કુલ રૂ-૫૭૦૦૦/- દંડ વસુલ કરવામાં આવેલ આ સિવાય નંબર પ્લેટ વગરના ૧૫ વાહન ચાલકો સામે કેસ કરવામાં આવેલ, વાહનમાં માલ-સામાન ભરેલ હોય અને તાલપત્રી લગાવેલ ન હોય તેવા વાહન ચાલકો સામે કુલ ૨૧ કરવામાં આવેલ તથા રોગ સાઇડ/વધુ ગતીથી ચલાવતા વાહનો વિરૂધ્ધ કલમ-૨૮૧ મુજબ કુલ-૨૦ ગુના રજીસ્ટર કરવામાં આવેલ, અડચણ રૂપ પાર્ક કરેલ વાહનો વિરુદ્ધ કુલ-૩૩ ગુના તેમજ એમવી એક્ટ હેઠળ ૧૬ જેટલા વાહન ડિટેઇન કરવાની કામગીરી હાથ ધરી હતી.
વધુમાં આગામી સમયમાં પણ ઉપરોકત ટ્રાફિક નિયમોનોનુ પાલન કરાવવા માટે તેમજ લોકોની સલામતી અને જીલ્લામાં શાંતીનો માહોલ જળવાઈ રહે તેમજ ટ્રાફિક વ્યવસ્થા અને ટ્રાફિકના નિયમોનુ પાલન કરવા તેમજ શહેરમાં ભારે વાહનો, વન-વે રોડ, એક-બેકી પાર્કિંગ વ્યવસ્થા તેમજ સમયાંતરે પ્રસિધ્ધ કરવામાં આવતા જાહેરનામાઓનુ લોકો પાલન કરે તેવી જીલ્લા પોલીસ દ્વારા અપીલ કરવામાં આવી છે.
