માળીયા(મી) ટાઉનના ગુલાબડી જવાના રોડ પરથી એક ઇસમને દેશી બનાવટની જામગરી બંદુક સાથે માળીયા(મી) પોલીસ દ્વારા ઝડપી લેવામાં આવ્યો છે. આ સાથે પોલીસે આરોપી પાસેથી ગેરકાયદેસર હથિયાર કબ્જે લઈ આરોપી વિરુદ્ધ હથિયારધારા હેઠળ ગુનો નોંધી આગળની તપાસ ચલાવી છે.
માળીયા(મી) પોલીસ મથક પીઆઇ કે.કે.દરબારના માર્ગદર્શન હેઠળ પોલીસ ટીમ પેટ્રલીંગમા હતા તે દરમ્યાન એએસઆઇ પંકજભાઇ ખોડીદાસભાઇ નાંગલા તથ ઈમ્તીયાજભાઈ તાજભાઈ જામએ માળીયા(મી) વિસ્તારના ગુલાબડી જવાના રોડ પરથી સદામભાઇ ભટ્ટી શંકાસ્પદ રીતે આટાફેરા કરતો જોવામાં આવ્યો જેથી તેને રોકી તેની અંગઝડતી કરતા તેની પાસેથી દેશી બનાવટની જામગરી બંદુક મળી આવેલ, જેથી આરોપી સદામભાઈ કાસમભાઈ ભટ્ટી ઉવ.૩૨ રહે.જુના હંજીયાસર તા.માળીયા(મી)ની સ્થળ ઉપરથી અટકાયત કરવામાં આવી હતી. આ સાથે પોલીસે આરોપી પાસેથી જામગરી બંદૂક કિ.રૂ.૨,૦૦૦/- કબ્જે લઈ તેની વિરુદ્ધ આર્મ્સ એક્ટ હેઠળ ગુનો દાખલ કરી ધોરણસરની કાર્યવાહી હાથ ધરી છે.
