મોરબી તાલુકાના ચાચાપર ગામે કપાસના વાવેતરમાં છુપાવેલ વિદેશી દારૂ સાથે એક ઇસમ ઝડપાયો

મોરબી તાલુકા પોલીસની ટીમે બાતમીને આધારે ચાચાપર ગામના મારપાટી માર્ગ પર આવેલ કપાસના વાવેતર કરેલા ખેતરમાં દરોડો પાડ્યો હતો.

જેમાં તપાસ દરમિયાન મહાવીરસિંહ બાલુભા પરમાર (ઉંમર 50, રહે. ચાચાપર, ધંધો – ખેતી) પોતાના કબ્જામાં ગેરકાયદેસર રીતે અલગ-અલગ બ્રાન્ડની ભારતીય બનાવટની કંપની સીલપેક 750 મી.લી.ની કાચની બોટલ કુલ 60 નંગ રાખેલી મળી આવી. આ દારૂની કુલ કિંમત આશરે ₹68,400/- થાય છે. આરોપી આ દારૂ વેંચાણના હેતુથી સંગ્રહ કરી રાખ્યો હોવાનું ખુલ્યું હતું.જે અંગે મોરબી તાલુકા પોલીસ મથકમાં ગુનો નોંધી તપાસ હાથ ધરી છે.