હળવદમાં માનસિક બિમારીથી કંટાળી પ્રૌઢે ઝેરી દવા પી આત્મહત્યા કરી

હળવદ તાલુકાના માથક ગામની સીમમાં ૪૭ વર્ષીય વ્યક્તિ દ્વારા ઝેરી દવા પી આત્મહત્યા કરવાનો બનાવ બન્યો છે.મળતી માહિતી મુજબ, નવલભાઇ સોમાભાઇ વણપરા (રહે. યોગીનગર, મોરબી-૨) છેલ્લા લગભગ 15 વર્ષથી મગજની બિમારીની દવા લેતા હતા, પરંતુ સ્વાસ્થ્યમાં સુધારો ન થતાં તેઓ માનસિક તણાવમાં હતા.જેને કારણે તા. 05/08/2025ના રોજ તેઓ માથક ગામની સીમ હડકાઇ માતાજીના મંદિર નજીક ગયા હતા, જ્યાં તેમણે ઝેરી જંતુનાશક દવા પી લીધી હતી. ઝેરની અસરથી તેમનું મોત થયું છે આ અંગે હળવદ પોલીસે વધુ તપાસ હાથ ધરી છે.