મોરબી મહાનગરપાલિકા વિસ્તાર હેઠળ ૧૭ સપ્ટેમ્બરથી આરોગ્ય કેમ્પ યોજાયો હતો. કેમ્પમાં એન.સી.ડી. સ્ક્રીનીંગ, નિષ્ણાત ડોક્ટરો દ્વારા તપાસ, સગર્ભા અને બાળકોનું રસીકરણ, એનિમિયા અને ટી.બી. સ્ક્રીનીંગ, વયવંદના અને આયુષ્માન કાર્ડ બનાવવાની સેવા સાથે લેબોરેટરી તપાસ કરવામાં આવી હતી. નાગરિકોને નજીકના આરોગ્ય કેન્દ્રનો સંપર્ક કરવા અપીલ કરાઈ.
મોરબી મહાનગરપાલિકા દ્વારા વિસ્તાર હેઠળના શહેરી પ્રાથમિક આરોગ્ય કેન્દ્રો તથા આયુષ્માન આરોગ્ય મંદિર ખાતે તારીખ ૧૭ સપ્ટેમ્બર ૨૦૨૫ થી ‘સ્વસ્થ નારી, સશક્ત પરિવાર’ અંતર્ગત મેડિકલ કેમ્પનું આયોજન કરવામાં આવ્યું હતું. આ કેમ્પ દરમિયાન લાભાર્થીઓ માટે અનેક આરોગ્યલક્ષી સેવાઓ પૂરી પાડવામાં આવી હતી. તેમાં એન.સી.ડી. સ્ક્રીનીંગ, નિષ્ણાત ડોક્ટરો દ્વારા તપાસ, સગર્ભા મહિલાઓ અને બાળકો માટે રસીકરણ, એનિમિયા તપાસ અને સારવાર, ટી.બી. સ્ક્રીનીંગ, વયવંદના કાર્ડ તેમજ આયુષ્માન કાર્ડ બનાવવા માટેની સવલતો સામેલ હતી. આ ઉપરાંત લેબોરેટરી તપાસની સુવિધા સાથે વિવિધ આરોગ્યલક્ષી કાર્યક્રમોની વિગતવાર માહિતી પણ આપવામાં આવી. મહાનગરપાલિકા આરોગ્ય અધિકારીઓએ નાગરિકોને અપીલ કરી છે કે તેઓ આવા આરોગ્ય કેમ્પનો વધુમાં વધુ લાભ લે અને પોતાના નજીકના આરોગ્ય કેન્દ્રમાં સંપર્ક કરે.
