વાંકાનેરના જોધપર ગામ નજીક મોટર સાયકલમાં દેશી દારૂની હેરાફેરી કરતા એક પકડાયો

વાંકાનેર તાલુકા પોલીસ ટીમ પેટ્રોલિંગમાં હોય તે દરમિયાન જોધપર ગામના પાટીયા પાસે વાંકાનેર બાઉન્ડ્રી તરફથી મોટર સાયકલ રજી.નં. જીજે-૦૩-એલક્યુ-૭૮૨૦ ઉપર આવતા એક શખ્સને રોકી તેની પાસે રહેલ થેલાની તલાસી લેતા તેમાંથી ૩૦ લીટર દેશી દારૂ કિ.રૂ.૬,૦૦૦/-વેચાણ કરવાને ઇરાદે મળી આવ્યો હતો. જેથી તુરંત આરોપી અજયભાઈ સવશીભાઈ સાઢમીયા ઉવ.૨૫ રહે. અકાળા તા.ચોટીલા જી.સુરેન્દ્રનગર વાળાની અટકાયત કરી હતી, આ સાથે પોલીસે મોટર સાયકલ સહિત રૂ.૩૬,૦૦૦/-નો મુદ્દામાલ જપ્ત કરી આગળની ધોરણસરની કાર્યવાહી હાથ ધરી છે.