મોરબીના ઉંચી માંડલ ગામ નજીક બાઇક ઉપર દારૂની બોટલ લઈ નીકળેલ બે પકડાયા

મોરબી તાલુકા પોલીસ ટીમ પેટ્રોલિંગમાં હોય તે દરમિયાન ઉંચી માંડલ ગામની સીમમાં તળાવીયા શનાળા જવાના રસ્તે શંકાસ્પદ હાલતમાં ડબલ સવારી મોટર સાયકલ હીરો સ્પ્લેન્ડર રજી.ન. જીજે-૩૬-એએન-૮૦૩૯ લઈને પસાર થતા તેને રોકી તલાસી લેતા તેના પાસેથી વિદેશી દારૂની રોયલ ચેલેન્જ વ્હિસ્કીની ૧ બોટલ કિ.રૂ.૧,૧૦૦/-મળી આવી હતી. જેથી તુરંત મોટર સાયકલ ચાલક આરોપી દેવરાજભાઈ પ્રભુભાઈ કેરવાડીયા ઉવ.૨૫ રહે. રાતાભેર ગામ તથા આરોપી ધરમશીભાઇ નાનજીભાઈ થરેશા ઉવ.૨૪ રહે. ઉંચી માંડલ ગામવાળાની અટકાયત કરવામાં આવી હતી. આ સાથે પોલીસે મોટર સાયકલ સહિત કુલ રૂ.૪૧,૧૦૦/-નો મુદ્દામાલ કબ્જે લઈ બન્ને આરોપીઓ સને પ્રોહી.એક્ટ હેઠળ ગુનો નોંધી આગળની તપાસ ચલાવી છે.