હળવદ શહેરના સેવાભાવી, કાર્યશીલ અને ઊર્જાવાન વ્યક્તિત્વ તરીકે ઓળખાતા શ્રી તપનભાઇ દવે એ શહેર ભાજપ પ્રમુખ તરીકે પોતાના કાર્યકાળનું એક વર્ષ સફળતાપૂર્વક પૂર્ણ કર્યું છે. આ ગૌરવપૂર્ણ અવસરે તેમને હળવદ ના નગરજનો હૃદયપૂર્વક અભિનંદન પાઠવી રહ્યા છે
શ્રી તપનભાઇ દવે માત્ર રાજકીય કાર્યકર જ નહીં પરંતુ માનવસેવા, જીવદયા અને લોકહિત માટે સતત સમર્પિત રહેનાર વ્યક્તિત્વ છે. તેમના નેતૃત્વ દરમિયાન હળવદ શહેરમાં વિવિધ લોકસેવાના કાર્યોને નવી દિશા અને ગતિ મળી છે. ગરીબ અને જરૂરિયાતમંદ લોકો માટે સહાય, રક્તદાન કેમ્પ, આરોગ્ય શિબિરો, શૈક્ષણિક સહાય તેમજ આપત્તિના સમયમાં લોકોની સાથે ઉભા રહેવાની તેમની ભાવના સર્વત્ર પ્રશંસનીય રહી છે.
જીવદયા પ્રત્યે તેમની સંવેદનશીલતા વિશેષ ઉલ્લેખનીય છે. નિરાધાર પશુઓની સારવાર, પાણીના પરબ, ઘાસચારો અને જીવ બચાવના અનેક કાર્યોમાં તેમનો સક્રિય ફાળો રહ્યો છે. સાથે સાથે તેઓ ભ્રષ્ટાચાર રહિત વિકાસ કાર્યોના આગ્રહી રહી, પારદર્શિતા, ઈમાનદારી અને જવાબદારી સાથે શહેરના વિકાસને આગળ વધારવા સતત પ્રયત્નશીલ રહ્યા છે.
શહેર ભાજપ પ્રમુખ તરીકે તેમણે સંગઠનને મજબૂત બનાવ્યું, કાર્યકરોમાં ઉત્સાહ અને એકતા જાળવી અને સરકારની જનકલ્યાણકારી યોજનાઓ સાચા અર્થમાં જનતા સુધી પહોંચે તે માટે નિષ્ઠાપૂર્વક કાર્ય કર્યું છે. તેમની સરળતા, સૌમ્ય સ્વભાવ અને સૌને સાથે લઈને ચાલવાની ક્ષમતા તેમને લોકપ્રિય અને વિશ્વસનીય નેતા બનાવે છે.
શહેર ભાજપ પ્રમુખ તરીકેના એક વર્ષના સફળ કાર્યકાળ બદલ શ્રી તપનભાઇ દવેને ફરી એકવાર અભિનંદન. આવનારા સમયમાં તેઓ હળવદ શહેરના સર્વાંગી વિકાસ, સ્વચ્છ અને ભ્રષ્ટાચાર રહિત વ્યવસ્થાના નિર્માણ તથા માનવસેવા–જીવદયાના કાર્યોમાં નવી ઊંચાઈઓ હાંસલ કરે તેવી હાર્દિક શુભેચ્છા.
