દારૂની હેરાફેરીમાં ઉપયોગમાં લીધેલ કાર સહિત રૂ.૩.૩૮ લાખનો મુદામાલ જપ્ત.
હળવદ પોલીસે પૂર્વ બાતમીને આધારે માથક ગામે બુટલેગર અજય રૂડાભાઈ જેતપરાના ઘરમાં રેઇડ કરી વિદેશી દારૂની અલગ અલગ બ્રાન્ડ અને ક્ષમતાની ૧૧૦ બોટલ તથા બિયરના ૪૯ ટીન જેની કુલ કિ.રૂ.૩૮,૭૨૦/- તેમજ દારૂની હેરાફેરી કરવા વપરાશમાં લીધેલ ઇકો કાર રજી.નં. જીજે-૩૬-એલ-૩૫૩૦ સહિત રૂ.૩,૩૮,૭૨૦/-નો મુદ્દામાલ કબ્જે કરવામાં આવ્યો હતો. આ સાથે હળવદ પોલીસે દરોડા દરમિયાન હાજર નહિ મળી આવેલ બુટલેગર અજય જેતપરા રહે.માથક તા.હળવદ વાળાને વોન્ટેડ જાહેર કરી તેના વિરુદ્ધ પ્રોહી.એક્ટ હેઠળ ગુનો નોંધી કાયદેસરની કાર્યવાહી હાથ ધરી છે.









