મોરબી ખાતે શહીદ દિવસ નિમિત્તે દેશ માટે બલિદાન આપનાર શહીદ જવાન ગણેશ પરમારના પરિવારને સન્માનિત કરી સહાય અર્પણ કરવામાં આવી હતી.
- Advertisement -
- Advertisement -
મળતી માહિતી મુજબ, કમલમ મોરબી ખાતે યોજાયેલા ચેક અર્પણ કાર્યક્રમમાં અજય લોરીયા સંચાલિત સેવા એજ સંપત્તિ ફાઉન્ડેશન દ્વારા શહીદના પરિવારને રૂપિયા 1 લાખનો ચેક અર્પણ કરવામાં આવ્યો હતો. આ સહાય જિલ્લા પ્રમુખ જયંતીભાઈ રાજકોટિયા, પૂર્વ જિલ્લા પ્રમુખ રાઘવજીભાઈ ગડારા તથા મહામંત્રી ચતુરભાઈ મકવાણા ના હસ્તે આપવામાં આવી હતી. આ પ્રસંગે કમલમ ખાતે દેશભક્તિથી ઓતપ્રોત લાઈવ કાર્યક્રમનું પણ આયોજન કરવામાં આવ્યું હતું, જેમાં ઉપસ્થિત લોકોએ શહીદના બલિદાનને યાદ કરી ભાવભીની શ્રદ્ધાંજલિ અર્પણ કરી હતી. આ કાર્યક્રમ દ્વારા સમાજમાં દેશપ્રેમ અને શહીદોના સન્માનનો સંદેશ આપવામાં આવ્યો હતો.
