મોરબીમાં મુસ્કાન વેલફેર સોસાયટી સંસ્થા દ્વારા જરૂરિયાતમંદ દિવ્યાંગ ભાઈને ટ્રાઇસાયકલ અર્પણ કરી માનવતાનું ઉત્તમ ઉદાહરણ પૂરું પાડવામાં આવ્યું હતું. આ સહાયથી લાભાર્થીને સ્વાવલંબન અને નવી આશા મળી છે.
મોરબીની અગ્રણી સામાજિક સંસ્થા મુસ્કાન વેલફેર સોસાયટી દ્વારા એક સેવાકીય ઉપક્રમ હેઠળ જરૂરિયાતમંદ દિવ્યાંગ ભાઈને ટ્રાઇસાયકલ અર્પણ કરવામાં આવી હતી. આ ટ્રાઇસાયકલ તેમના માટે માત્ર સહાયનું સાધન નહીં પરંતુ આત્મવિશ્વાસ અને સ્વાવલંબનની નવી શરૂઆત બની છે. લાભાર્થીના ચહેરા પર દેખાતી ખુશી અને આભારની લાગણી પ્રસંગને વધુ ભાવુક બનાવી ગઈ હતી. આ કાર્યક્રમ માત્ર વિતરણ સુધી મર્યાદિત ન રહી, પરંતુ માનવતા અને સહાનુભૂતિનો જીવંત ઉદાહરણ બની રહ્યો હતો.
સંસ્થાના સભ્યોએ વ્યસ્ત સમયમાંથી સમય કાઢી સેવાકાર્યમાં સહભાગી બની કાર્યક્રમને સફળ બનાવ્યો હતો. સંસ્થાના પ્રતિનિધિઓએ જણાવ્યું કે તેઓ લોકોના જીવનમાં આશા અને આત્મવિશ્વાસ જગાવવા માટે સતત કાર્યરત છે અને ભવિષ્યમાં પણ આવી સેવાકીય પ્રવૃત્તિઓ ચાલુ રાખશે.
