ટંકારા:શ્રાવણ માસ દરમિયાન દારૂ અને જુગારની ગેરકાયદેસર પ્રવૃત્તિઓને ડામવા મોરબી જિલ્લા પોલીસ દ્વારા કાર્યવાહી હાથ ધરવામાં આવી છે. જેના ભાગરૂપે ટંકારા પોલીસની સર્વેલન્સ ટીમ પેટ્રોલિંગમાં હતી, દરમિયાન મિતાણા-વાલાસણ રોડ પર ડેમની બાજુમાં નદી કાંઠે બાવળની ઝાડીમાં જાહેરમાં જુગાર રમાતો હોવાની બાતમીના આધારે પોલીસે દરોડો પાડ્યો હતો.
- Advertisement -
- Advertisement -
દરોડા દરમિયાન પોલીસે મિતાણા ગામના વિપુલભાઈ પુનાભાઈ બાંભવા, બાબુભાઈ રાણાભાઈ સોઢીયા, રાજકોટના કિશોરભાઈ બાબુભાઈ દેણપીયા, સામતભાઈ પાલાભાઈ બાળા, રોહિતભાઈ વાસુરભાઈ બસિયા અને સાજીદભાઈ આમદભાઈ ઠેબા સહિત કુલ છ શખ્સોને ગંજીપત્તાના પાના તથા રોકડ રૂ.65,100/- સહિતના મુદ્દામાલ સાથે ઝડપી પાડી આ અંગે તમામ આરોપીઓ વિરુદ્ધ ટંકારા પોલીસ મથકે જુગારધારા મુજબ ગુનો નોંધી કાર્યવાહી હાથ ધરી છે.
