મોરબીના રંગપર ગામની સીમમાંથી વિદેશી દારૂની ૨૧ બોટલ સાથે એક શખ્સની ધરપકડ

મોરબીના રંગપર ગામની સીમમાં રાધે કોમ્પ્લેક્સ નજીક બાવળની કાંટમાંથી તાલુકા પોલીસે વિદેશી દારૂની ૨૧ બોટલ સાથે એક શખ્સને ઝડપી પાડ્યો હતો.

મોરબી તાલુકા પોલીસની ટીમે રંગપર ગામની સીમમાં રાધે કોમ્પ્લેક્સ પાસે બાવળની કાંટમાં તપાસ કરતાં જાફર ફીરોજભાઈ ભુવડ ઉવ.૨૮ રહે. મદીના સોસાયટી વીસીપરા મોરબી વાળા પાસેથી વિદેશી દારૂની અલગ-અલગ બ્રાન્ડની નાની-મોટી ૨૧ બોટલ કિ.રૂ.૬,૦૦૧/- મળી આવી હતી. જેથી પોલીસે આરોપીની ધરપકડ કરી પ્રોહિબિશન એક્ટ હેઠળ ગુનો નોંધી આગળની કાર્યવાહી હાથ ધરી છે.