ટંકારાના નેસડા(ખા) ગામે પતંગ ચગાવતાં ૭ વર્ષીય બાળકનું તળાવમાં ડૂબી જતા મોત

ટંકારા તાલુકાના નેસડા(ખા) ગામની સીમમાં વાડી પાસે આવેલા તળાવમાં પાણી ભરેલ ખાડામાં પતંગ ચગાવતાં ૭ વર્ષીય બાળક અકસ્માતે ડૂબી જતાં મોત નિપજ્યું હતું. બનાવ અંગે ટંકારા પોલીસે અ.મોત નોંધી આગળની તપાસ શરૂ કરી છે.

ટંકારા પોલીસ સ્ટેશનમાં નોંધાયેલી અ.મોતની વિગત મુજબ, નેસડા(ખા) ગામની સીમમાં મનસુખભાઇ નરશીભાઇ ભાડજાની વાડી પાસે રહેતા આકાશ સુનીલભાઇ મીરૂસિંહ મેડા મુળરહે.કાકડકુવા ગામ તા.કિલા જોબટ જી.અલીરાજપુર રાજ્ય-મધ્યપ્રદેશ વાળો ગત તા.૧૯/૦૧/૨૦૨૬ના બપોરના સમયે વાડી પાસે આવેલા તળાવની પાળ ઉપર પતંગ ચગાવી રહ્યો હતો. આ દરમિયાન રમતા રમતા બાળક અકસ્માતે તળાવમાં આવેલા પાણી ભરેલ ખાડામાં પડી જતા તેનું મૃત્યુ નીપજ્યું હતું. ટંકારા પોલીસે મૃતકના પિતા પાસે પ્રાથમિક વિગતો મેળવી આગળની ઘટિત કાર્યવાહી હાથ ધરી છે.