મોરબીમાં મારામારીની વધુ એક ઘટના સામે આવી છે. જેમાં બે ઈસમોએ મહિલા સાથે તેના ઘરની બહાર કચરો ભેગો ન કરવા બાબતે બોલાચાલી કરી બે ઈસમોએ મહિલા સહીત બે લોકો પર ઘાતકી હુમલો કર્યો હતો. જે સમગ્ર મામલે મોરબી સીટી એ ડિવીઝન પોલીસ સ્ટેશનમાં ગુન્હો દાખલ કરવામાં આવ્યો છે.
મળતી માહિતી અનુસાર, મોરબીમાં મારૂતી પાર્ક ગાયત્રી નગર વાવડી રોડ ખાતે રહેતા પાયલબેન વિશાલભાઇ લાવડીયાને સુંભાગીબેન તથા હરપાલસિંહ ડોડીયા બન્ને (રહે- મારૂતી પાર્ક ગાયત્રી નગર વાવડી રોડ તા.જી.મોરબી)એ તેની શેરીમાં પાયલબેનના ઘરની બહાર કચરો ભેગો ન કરવા બાબતે ફરિયાદી તથા સાહેદ સાથે બોલાચાલી ઝગડો કરી સુંભાગીબેને ફરિયાદીને ઢીકા પાટુનો માર મારી લાકડાના ધોકા વતી ફરિયાદીને કપાળના ભાગે ઇજા કરી તથા હરપાલસિંહે ફરિયાદી તથા સાહેદ સાથે બોલાચાલી ઝગડો કરી ફરિયાદીને કપાળના ભાગે તથા શરીરે મુઢ ઇજા કરતા સમગ્ર મામલે મોરબી સીટી એ ડિવીઝન પોલીસ સ્ટેશનમાં ગુન્હો દાખલ કરવામાં આવ્યો છે.
