રીક્ષા ચોરીના બનાવથી નાના એવા લજાઈ ગામમાં ચકચાર
ટંકારા તાલુકાના લજાઈ ગામે ઘર પાસે પાર્ક કરેલ સીએનજી રીક્ષાની ચોરી થયાની ઘટના સામે આવી છે, જે અંગે રીક્ષાના માલીક દ્વારા ટંકારા પોલીસ મથકમાં અજાણ્યા વાહન ચોર ઈસમ વિરુદ્ધ ફરિયાદ નોંધાવવામાં આવી છે.
પ્રાપ્ત માહિતી અનુસાર ટંકારાના લજાઈ ગામે ઝાંપાવાળી શેરીમાં રહેતા અજરૂદિનભાઈ વલીભાઈ હેરંઝા એ ટંકારા પોલીસ મથકમાં સીએનજી રીક્ષા રજી.નં. જીજે-૩૬-યુ-૮૯૭૬ની ચોરી થયા અંગેની ફરિયાદ નોંધાવી હતી, જેમાં ગત તા.૨૨/૧૧ના રોજ અજરૂદિનભાઈ પોતાની રીક્ષાના ફેર કરી આઠેક વાગ્યાની આસપાસ ઘરે પરત આવ્યા હોય ત્યારે લજાઈ ગામે પોતાના નાનાભાઇના ઘર પાસે ઉપરોક્ત સીએનજી રીક્ષા પાર્ક કરી હોય જેની પાર્ક કરેલ જગ્યાએથી કોઈ અજાણ્યા ચોર ઈસમ ચોરી કરીને લઈ ગયા હોય જેથી અજરૂદિનભાઈએ રીક્ષા ચોરી અંગે ટંકારા પોલીસ મથકમાં ફરિયાદ નોંધાવતા પોલીસે અજાણ્યા વાહન ચોર ઈસમ વિરુદ્ધ ગુનો નોંધી આગળની તપાસ શરૂ કરી છે.
