મોરબીમાં અસામાજિક તત્વોનાં આતંકના બનાવો દિન પ્રતિદિન વધી રહ્યા છે. ત્યારે ગઈકાલે વધુ એક અસામાજિક તત્વએ મોરબીમાં એક્સપોર્ટ ના પ્રતિષ્ઠિત વ્યવસાય સાથે જોડાયેલ યુવતીને નિશાને ચડાવી અભદ્રભાષાનો પ્રયોગ કરતો વિડીયો સોશીયલ મીડિયામાં વાઇરલ કર્યો હતો. જે સમગ્ર મામલે મોરબી સીટી એ ડિવીઝન પોલીસ સ્ટેશનમાં ફરિયાદ દાખલ કરવામાં આવી છે.
મળતી માહિતી અનુસાર, મોરબીમાં રહેતી અને એકસપોર્ટ બિઝનેસ સાથે જોડાયેલ યુવતી વિશે કૌશિકસિંહ ઉર્ફે બબુભા મીઠુભા જાડેજા (રહે.સામાકાંઠે શીવસોસાયટી ભાગ્યલક્ષ્મી સોસાયટી પાસે) નામના શખ્સે અભદ્રભાષાનો પ્રયોગ કરી યુવતીને બદનામ કરવાની તેમજ પ્રતિષ્ઠાને હાની પહોચાડવાના ઇરાદે વિડીયો સોશિયલ મીડિયામાં વાયરલ કરી તેમજ યુવતીને તથા તેના પરીવારને નીદંતર નાશ કરી નાખવાની તેમજ ફરીયાદી યુવતીની લાજ લેવાના ઇરાદે ફરીયાદીને વિડીયોમાં ગર્ભીત ધમકી આપતા સમગ્ર મામલે યુવતીએ મોરબી સીટી એ ડિવીઝન પોલીસ સ્ટેશનમાં ફરિયાદ દાખલ કરાવી છે.
