મોરબીની પરિણીતા સાથે ઘરકામ બાબતે અવાર નવાર મારકુટ કરતા પતિ તથા સાસુ-સસરા વિરુદ્ધ ફરિયાદ નોંધાઈ

મહિલાઓને સમાન અધિકારો આપવાના બણગા ફુંકવામાં આવે છે પરંતુ વાસ્તવિકતા કંઇક જુદી જ છે. ફરીથી મહિલાઓની સલામતી માટેની ચર્ચાઓ શરૂ થઇ ગઇ છે. ત્યારે મોરબીમાં રહેતી એક પરિણીતાએ મોરબી મહીલા પોલીસ મથકમાં તેના પતિ સહિતના સાસરિયાંઓ સામે ત્રાસ અંગેની ફરિયાદ નોંધાવી છે.

મળતી માહિતી અનુસાર, મોરબીનાં મચ્છુનગર રફાળેશ્વર ખાતે રહેતી મૂળ ચોટીલાની સેજલબેન નંદલાલભાઇ સોલંકી નામની પરણિત મહિલાને તેના પતિ – નંદલાલભાઇ મંગાભાઇ સોલંકી, સસરા – મંગાભાઇ સોલંકી તથા સાસુ – રૂપાબેન મંગાભાઇ સોલંકી (રહે-લાખણકા તા.ચોટીલા જી.સુરેન્દ્રનગર) ઘરકામ બાબતે અવાર નવાર મારકુટ કરી ગાળો આપી શારીરીક અને માનસીક દુ:ખ ત્રાસ આપતા હોય જેનાથી કંટાળી પરિણીતાએ મોરબી મહીલા પોલીસ સ્ટેશનમાં ફરિયાદ દાખલ કરાવી છે.