ટંકારાના ગજડી ગામથી ૧૦ વર્ષીય બાળકીના અપહરણ થયાની ફરિયાદ નોંધાઈ

ટંકારાના ગજડી ગામે વાડીમાં રહી ખેત મજૂરી કરતા પરિવારની ૧૦ વર્ષીય બાળકીનું કોઈ અપહરણ કરી લઈ ગયા હોવા અંગેની આશંકાએ બાળકીના પિતા દ્વારા અજાણ્યા આરોપી સામે ટંકારા પોલીસ મથકમાં ફરિયાદ નોંધાવવામાં આવી છે.

મળતી માહિતી અનુસાર મૂળ મહીસાગર જીલ્લાના ડોળી ગામના રહેવાસી હાલ ટંકારા તાલુકાના ગજડી ગામે દેવદાનભાઇ રવાભાઇ ડાંગરની વાડીએ ખેત મજૂરી કરતા રાયસીંગભાઇ ધીરાભાઇ સિસોદીયા ઉવ.૪૪ની ૧૦ વર્ષીય દીકરી ગત તા. ૧૫ જૂન ૨૦૨૪ના રોજ સાંજના સાડા પાંચ વાગ્યાથી ગુમ થઈ હોય ત્યારે રાયસીંગભાઈ દ્વારા પોતાની દીકરીને શોધવા ઘરમેળે સગા વ્હાલામાં તપાસ કરતા આજદિન સુધી મળી આવેલ ન હોય જેથી ૧૦વર્ષીય દીકરીનું અપહરણ થયું હોવાની શંકાએ ગઈકાલ તા. ૨૫/૦૭ના રોજ ટંકારા પોલીસ મથકમાં અજાણ્યા આરોપી સામે ફરિયાદ નોંધાવવામાં આવી છે.