મોરબીના નવા બસ સ્ટેન્ડના પાર્કિંગમાં પાર્ક કરેલ બાઈકની કોઈ અજાણ્યો તસ્કર ચોરી કરી લઇ ગયાની અત્રેના સીટી એ ડિવિઝન પોલીસ મથકમાં ફરિયાદ નોંધાવવામાં આવી છે.
મળતી માહિતી અનુસાર મોરબી-૨ એલ.ઈ.કોલેજ પાસે રહેતા પરેશભાઈ વિનોદભાઈ પિત્રોડા આજથી આશરે ૧૦ મહિના અગાઉ તા.૦૯ એપ્રિલ ૨૦૨૩ ના રોજ તેમના બહેનને કલાર્કની પરીક્ષા દેવાનું હોય જેઓને જામ ખંભાળિયા પરીક્ષા દેવા જવાનું હોય તેથી નવા બસ સ્ટેન્ડના પાર્કિંગમાં પોતાનું હીરો કંપનીનું સ્પ્લેન્ડર પ્લસ બાઈક રજી. જીજે-૩૬-કે-૫૩૯૧ જેના એન્જીન નં.ઇ૧૧૯૪૨ તથા ચેસીસ નં.ઇ૧૭૨૫૫ રાખી જામ-ખંભાળિયા એસટી બસમાં ગયા હતા. પરીક્ષા પૂર્ણ કરી તા.૧૧ એપ્રિલ ૨૦૨૩ના રોજ પરત મોરબી આવતા નવા બસ સ્ટેન્ડ પાર્કિંગમાં જ્યાં બાઈક પાર્ક કર્યું હતું ત્યાં જોતા આ બાઈક કોઈ અજાણ્યો તસ્કર ચોરી કરી લઇ ગયો હોવાનું સામે આવ્યું હતું
ઉપરોક્ત બાઈક ચોરી અંગે પ્રથમ પરેશભાઈ પિત્રોડા દ્વારા ઈ-એફઆઈઆર કરવામાં આવી હતી ત્યારબાદ ગઈકાલ તા.૦૨/૦૨ના રોજ મિરબી સીટી એ ડિવિઝનમાં ફરિયાદ નોંધાવતા પોલીસે પરેશભાઈની ફરિયાદના આધારે અજાણ્યા ચોર ઈસમ વિરુદ્ધ બાઈક ચોરી અંગેનો ગુન્હો નોંધી તપાસના ચક્રો ગતિમાન કર્યા છે.
