ટંકારાના છત્તર ગામે ટ્રેક્ટર તથા ટ્રોલીની ચોરી થયાની ફરિયાદ નોંધાઈ

મળતી માહિતી અનુસાર મોરબી રવાપર ગામ નજીક આવેલ ઓમકાર પેલેસ બ્લોક નં.૬૦૨માં રહેતા મુળ.જોડીયા તાલુકાના જશાપરના વતની જયેશભાઇ અમરશીભાઇ પનારા ઉવ.૪૭એ ટંકારા પોલીસ મથકમાં અજાણ્યા ચોર ઈસમ વિરુદ્ધ ફરિયાદ નોંધાવી કે ગત તા.૨૭/૦૪ના રોજ સાંજના ૭ વાગ્યાથી બીજે દિવસે સવારના ૮ વાગ્યા સુધીના સમયગાળા દરમિયાન ટંકારા તાલુકાના છત્તર ગામે ખુલ્લા મેદાનમાં પાર્ક કરેલું જયેશભાઇ પનારાની માલિકીનું મેસી કંપનીનુ ટ્રેકટર રજી. નં. જીજે-૩૬-એસી-૯૫૪૩ કિ.રુ.૨,૫૦,૦૦૦/- તથા ટ્રોલી કિ.રુ.૫૦,૦૦૦/- એમ કુલ કિ.રુ.૩,૦૦,૦૦૦/- વાળુ ટ્રેકટર-ટ્રોલી ખુલ્લા મેદાનમાથી કોઈ અજાણ્યો ચોર ઈસમ ચોરી કરી લઈ ગયા હોય. ત્યારે જયેશભાઇ પનારા દ્વારા ગામમાં તથા ગામની આજુબાજુમાં ટ્રેક્ટર-ટ્રોલીની ઘરમેળે તપાસ કરતા આજદિન સુધી કોઈ પત્તો ન લાગતા ચોરીના બનાવ અંગે ટંકારા પોલીસ મથકમાં ફરિયાદ નોંધાવી છે.