મોરબીમાં ‘ધર્મ કરતા ધાડ પડી’ ની કહેવત મુજબ મોરબીના શનાળા બાયપાસ નજીક આવેલ ફીદાઇ પાર્ક સોસાયટીમાં અન્ય સમાજના લગ્ન માટે ઘરની બાજુમાં આવેલ ખાલી પ્લોટની સફાઈ કરતા માથાભારે શખ્સને આ સારું નહિ લાગતા ફીદાઇ પાર્કમાં રહેતા દંપતીને વોટ્સઅપ કોલ કરી જાનથી મારી નાખવાની ધમકી આપતા સમગ્ર બનાવ મામલે દંપતી મહિલા દ્વારા મોરબી એ ડિવિઝન પોલીસ મથકમાં માથાભારે શખ્સ વિરુદ્ધ ફરિયાદ નોંધાવતા પોલીસે આરોપી શખ્સ સામે ગુનો નોંધી આગળની તપાસ શરૂ કરી છે.
સમગ્ર બનાવની પ્રાપ્ત માહિતી મુજબ મોરબી શનાળા બાયપાસ પાસે આવેલ ફીદાઇ પાર્ક સોસાયટીમાં રહેતા સોનલબેન નુરૂદીનભાઈ કચરાણી ઉવ.૨૫ એ આરોપી નવઘણભાઇ મોહનભાઇ બાંભવા રહે. તુલસીપાર્ક શનાળા બાયપાસ મોરબી વિરુદ્ધ મોરબી એ ડિવિઝન પોલીસ મથકમાં ફરિયાદ નોંધાવી કે સોનલબેનના પિતાજીના ઘરની પાસે ખાલી પડેલ પ્લૉટમા દેવીપુજક સમાજના લગ્ન હોય જેથી તેઓએ પ્લૉટમા સાફ સફાઈ કરાવતા આરોપી માથાભારે નવઘણ બાંભવાને સારૂ નહી લાગતા સોનલબેન અને તેના પતિને વોટસઅપ કોલ કરીને જેમ ફાવે તેમ અપશબ્દો બોલીને જાનથી મારી નાખવાની ધમકી આપ્યાની ફરિયાદ નોંધાવતા પોલીસે આરોપી નવઘણ બાંભવા સામે આઈપીસી કલમ ૫૦૪,૫૦૬(૨) હેઠળ ગુન્હો નોંધી ધોરણસરની કાર્યવાહી હાથ ધરી છે.
