મોરબીના નાની બજાર મેઇન રોડ પોસ્ટ ઓફિસની બાજુમાં આવેલ ફખરી હાઇટ્સના રહીશોએ ગેરકાયદેસર રીતે પાર્ક કરેલ વાહન દૂર કરવા બાબતે પોલીસ ઇન્સ્પેકટરને લેખિત રજૂઆત કરી છે. અને ગેટની સામે અડચણરૂપ થાય તે રીતે પાર્કિંગ કરનારા સામે કાર્યવાહી કરવા માંગ કરાઈ છે.
મળતી માહિતી અનુસાર, મોરબીના નાની બજાર મેઇન રોડ પોસ્ટ ઓફિસની બાજુમાં આવેલ ફખરી હાઇટ્સના રહીશોએ મોરબી એ ડિવિઝન પોલીસ સ્ટેશનના પોલીસ ઇન્સ્પેક્ટરને લેખિત રજૂઆત કરી હતી કે, ફખરી હાઇટ્સની આજુબાજુ મેઇન રોડ પર ફખરી હાઇટ્સની સામે રહેતા ઇસ્માઇલ શબીરભાઈ રસાઈ પોતાની કાર GJ 03 EC 9474 એપાર્ટમેન્ટના મેઇન ગેટની સામે એપાર્ટમેન્ટમાંથી ગાડી કાઢવામાં અડચણરૂપ થાય તે રીતે પાર્કિંગ કરે છે. તેથી આ પ્રકારે કાર પાર્કિંગ કરનાર સામે કાર્યવાહી કરવામાં આવે તેવી પોલીસને રજૂઆત કરવામાં છે. જે રજૂઆતને લઈ મોરબી સીટી એ ડિવિઝન પોલીસે અરજીના આધારે આગળની કાર્યવાહી હાથ ધરી છે.
