મોરબીનાં રોહીદાસપરાની બાજુમાં લાયન્સનગર પાસે આવેલ ખુલ્લા પ્લોટમાં આડા પડી ગયેલ ગાંડા બાવળની ડાળીઓ બળતણ માટે કાપતા વૃધ્ધ પર ઈસમે બાવળ પોતાને જોઇએ છે તેમ કહી હુમલો કરતા વૃધ્ધ ઈજાગ્રસ્ત થયા હતા. જે સમગ્ર મામલે મોરબી સીટી બી ડિવિઝન પોલીસ સ્ટેશનમાં ગુન્હો દાખલ કરવામાં આવ્યો છે.
મળતી માહિતી અનુસાર, મોરબીમાં રોહીદાસપરાની બાજુમાં લાયન્સનગર પાસે રહેતા મનુભાઇ ઉર્ફે મનજીભાઇ લાલજીભાઇ ચાવડા નામના વૃધ્ધ ગત તા.૧૫/૧૧/૨૦૨૩ ના બાપોના સમયે પોતાના ઘરની પાછળ આવેલ ખુલ્લા પ્લોટમાં આડા પડી ગયેલ ગાંડા બાવળની ડાળીઓ બળતણ માટે કાપતા હતા દરમ્યાન મહેબુબભાઇ હુશેનભાઇ મીયાણા (રહે.મોરબી રોહીદાસપરાની બાજુમાં લાયન્સનગર પાસે)એ આ બાવળ પોતાને જોઇએ છે તેમ કહી બોલાચાલી કરી વૃધ્ધને ગાળો બોલી જ્ઞાતિ પ્રત્યે હડધુત કરી ઇંટનો ઘા કરી વૃધ્ધના માથામાં ઇજા કરતા વૃધ્ધ પડી જતા ડાબા પગના સાથળના હાડકામાં ફેક્ચર જેવી ગંભીર ઇજા થતા સમગ્ર મામલે મોરબી સીટી બી ડિવિઝન પોલીસ સ્ટેશનમાં ગુન્હો દાખલ કરવામાં આવ્યો છે.
