ગાંધીધામ આદીપુરના એક ટ્રાન્સપોર્ટર વેપારી સાથે બે ઈસમોએ છેતરપિંડી કરી હોવાની ફરિયાદ સામે આવી છે. જેમાં મોરબીથી કોલસો ભરી બહાર ગામ મોકલવામાં આવેલ ટ્રક બે આરોપીઓ તેના નિર્ધારિત સ્થળ પર ન લઇ જઈ બરોબર કોલસો વેચી નાખતા સમગ્ર મામલે મોરબી તાલુકા પોલીસ સ્ટેશનમાં આરોપીઓ વિરુદ્ધ છેતરપિંડીની ફરિયાદ નોંધાઈ છે.
મળતી માહિતી અનુસાર, કચ્છના ગાંધીધામ ખાતે આવેલ આદીપુરમાં રહેતા રાજીવભાઇ હસમુખભાઈ શુક્લ નામના ટ્રાન્સપોર્ટર વેપારીએ શાહપુરા, જયપુરના રહેવાસી રામસિંગ યાદવ નામના RJ-14-GH-4425 નંબરની ટ્રકના મલિક તથા સુલતાનરામ સુરજમલ યાદવ નામના ટ્રાન્સપોર્ટરને કોલસો જેતે જગ્યાએ પહોંચાડવા નિર્દેશ કર્યો હતો. પરંતુ આરોપીઓએ કોલસો ભરી જેતે જગ્યાએ ન પહોચાડી કોલસો ભરેલી ગાડી પોતાની જગ્યામા કોલસો ખાલી કરી ખોટા વચનો આપી ફરિયાદી સાથે રૂ.૫,૧૬,૭૧૦/- નો વિશ્વાસઘાત કરી ફરાર થઈ જતા બંને આરોપીઓ વિરુદ્ધ મોરબી તાલુકા પોલીસ સ્ટેશનમાં આઇ.પી.સી. કલમ-૪૦૬, ૪૨૦, ૧૧૪ મુજબ ગુનો દાખલ કરવામાં આવ્યો છે.
