મોરબીના લાલપર ગામ પાસે લુખ્ખા તત્વોનો આતંક સામે આવ્યો છે. નાસ્તાની લારીએ જે જૂથો વચ્ચે બબાલ થઈ હતી. જેમાં છરી વડે હુમલો થયાની પોલીસ ફરિયાદ નોંધાયા બાદ આજે સામે પક્ષે પણ વળતી ફરિયાદ દાખલ કરવામાં આવી છે. જેમાં બે ઈસમો છરીથી ફોટા પાડતા હોય તેમની સામે જોતા કેમ સામુ જોવે છે. તેમ કહી યુવક પર છરી વડે હુમલો કરવામાં આવ્યો હોવાનું જણાવવામાં આવ્યું છે.
મળતી માહિતી અનુસાર, મોરબીના લાલપર ગામના બસ સ્ટેશનની બાજુમા નાસ્તાની લારી પાસે ભગીરથસિંહ વિરભદ્રસિંહ ચુડાસમા (રહે.યદુનંદન સોસાયટી શેરી નં.૧ શનાળા રોડ મોરબી૧ મુળ રહે.ચેર તા.ધોલેરા જી.અમદાવાદ) નામનો યુવક નાસ્તો કરવા ગયેલ દરમ્યાન દિનેશભાઇ અને હમીરભાઇ (રહે.બન્ને મોરબી) નામના શખ્સો ત્યા છરીથી ફોટા પાડતા હોય અને તેના સામે ફરિયાદીએ જોતા આરોપીઓએ ફરિયાદીને કેમ સામુ જોવે છે. તેમ કહી ગાળો આપી દિનેશભાઇએ પેટના ભાગે છરી મારી તથા હમીરભાઇએ ફરિયાદીને પ્લાસ્ટીકના પાઇપથી વાસામા મારી મુંઢ ઇજા કરતા સમગ્ર મામલે મોરબી તાલુકા પોલીસ સ્ટેશનમાં ફરિયાદ દાખલ કરવામાં આવી છે.
