વાંકાનેરના રાતાવીરડા ગામે દેશી દારૂની ભઠ્ઠી ઝડપાઇ

વાંકાનેર તાલુકા પોલીસે રાતાવીરડા ગામ નજીક આવેલ દેવકીનંદન કારખાના પાછળ આવેલ તળાવ પાસેથી ધમધમતી દેશી દારૂની ભઠ્ઠી ઝડપી લીધી હતી. આ સાથે પોલીસે દેશી દારૂ બનાવવા ઉપયોગમાં લેવાતા સાધનો સાથે આરોપીની અટક કરી કાયદેસરની કાર્યવાહી હાથ ધરી છે.

વાંકાનેર તાલુકા પોલીસને બાતમી મળી હતી કે રાતાવીરડા ગામે દેવકીનંદન કારખાના પાછળ આવેલ તળાવમાં આરોપી વિજયભાઈ દેકાવાડીયા દેશી દારૂનો આથો ગાળી ભઠ્ઠી ચલાવે છે. જેથી બાતમીને આધારે રેઇડ કરતા સ્થળ ઉપરથી દેશી દારૂ બનાવવામાં ઉપયોગમાં લેવાતો ૫ લીટર ગરમ આથો, ૮૦૦-લીટર ઠંડો આથો તેમજ ગરમ અને ઠંડો દેશી દારૂ કુલ ૪૫ લીટર તથા ભઠ્ઠીના સાધનો સાથે આરોપી વીજયભાઇ લાલજીભાઇ દેકાવાડીયા ઉવ.૨૨ રહે.વીરપર તા.વાંકાનેર જી.મોરબીની અટક કરી આગળની ધોરણસરની કાર્યવાહી હાથ ધરી હતી.