મોરબી જેતપર રોડ સોમનાથ પેટ્રોલ પંપની સામે રોડ ઉપર આવેલ સોમનાથ હોટલમાંથી યુવક જમવાનું પાર્સલ દેવા માટે મોટર સાયકલ મારફતે જતો હોય તે વેળાએ ડમ્પર ચાલકે તેને હડફેટે લઈ માથા પર ડમ્પરનું વ્હીલ ફેરવી દેતા યુવકનું મોત નીપજ્યું હાટ. જે સમગ્ર મામલે મોરબી તાલુકા પોલીસ સ્ટેશનમાં ફરિયાદ નોંધાઈ છે.
મળતી માહિતી અનુસાર, મોરબી જેતપર રોડ સોમનાથ પેટ્રોલ પંપની સામે રોડ ઉપર ગઈકાલે બપોરના સમયે રંગપર ગામા પાસે સોમનાથ હોટલના રૂમમાં રહેતા ભરતસિંહ સોહનસિંહ રાજપુરોહીતના કુટુંબી મામાના દિકરા ભાઇ પ્રવિણસિંહ રાજપુરોહીત સોમનાથ હોટલમાંથી જમવાનું પાર્સલ દેવા માટે RJ-22-QS-3947 નંબરની મોટર સાયકલ લઇને રોડ પર જતા હોય ત્યારે GJ-12-BT-0981 નંબરના ડમ્પરના ચાલકે પોતાના કબજા હવાલા વાળા ડમ્પરને પુરઝડપે અને બેદરકારીથી ચલાવી મોટર સાયકલને હડફેટે લઇ હેલ્મેટ પહેરેલ હોય માથા ઉપર ડમ્પરનું વ્હીલ ફેરવી દઇ માથામાં ગંભીર ઇજા કરી મોત નિપજાવી ડમ્પર મુકી નાશી જતાં આરોપી વિરૂદ્ધ મોરબી તાલુકા પોલીસ સ્ટેશન ખાતે ગુન્હો દાખલ કરવામાં આવ્યો છે.
