મોરબીની ત્રાજપર ચોકડી નજીક ટ્રેઇલર અડફેટે પરપ્રાંતીય યુવાનને ગંભીર ઇજા

મોરબીની ત્રાજપર ચોકડી નજીક ટ્રક ટ્રેઇલર ચાલકે આડેધડ વળાંક લઈ રોડ ક્રોસ કરતા પરપ્રાંતીય યુવાનને અડફેટે લેતા અકસ્માત સર્જાયો હતો જેમાં યુવાનને ગંભીર ઇજા પહોંચતા મોરબી સીટી બી ડિવિઝન પોલીસ મથકમાં ટ્રક ચાલક વિરુદ્ધ ફરિયાદ નોંધાઈ છે.

ઉચીમાડલ ખાતે મેગા કારખાનાની ઓરડીમા રહેતા મુકેશભાઇ રમેશભાઇ ડાવર (ઉ.વ -૩૦) ત્રાજપર ચોકડી પરથી રોડ ક્રોસ કરતા હતા ત્યારે પાછળ થી આરોપી ટ્ર્ક ટેઇલર નંબર GJ-૧૨ – BV- ૪૭૯૬ના ચાલકે જોયા વગર અચાનક વણાક લઈ અડફેટે લેતા અકસ્માત સર્જાયો હતો જેમાં મુકેશભાઈને પગ તથા શરીરના ભાગે ઇજા પહોંચી હતી. આ ઘટનાને લઈને મુકેશભાઈએ મોરબી સીટી બી ડિવિઝન પોલીસ મથકમાં ટ્રક ટેન્કર ચાલક વિરુદ્ધ ફરિયાદ નોંધાવી છે જેથી પોલીસે વધુ તપાસ હાથ ધરી છે.