હળવદ સાંદિપની ઇંગ્લિશ સ્કૂલ ખાતે ફ્રી ક્રિકેટ કોચિંગ કેમ્પનું ભવ્ય આયોજન કરવામાં આવ્યું

સ્કૂલ ઓફ સ્પોર્ટ એકેડેમી દ્વારા ફ્રી ક્રિકેટ કોચિંગમાં 150 થી વધુ વિદ્યાર્થીઓ જોડાયા

રમત એ શિક્ષણનો ભાગ છે તથા તંદુરસ્ત શરીરમાં તંદુરસ્ત મન રહેલુ છે ધ્યાને લઇ વિદ્યાર્થીઓનું શારીરિક અને માનસિક સૌષ્ઠવ વિકસેએ તેવા આશયથી સાંદિપની ઇંગ્લિશ સ્કૂલ સ્પોર્ટ એકેડેમી દ્વારા તારીખ: 03/01/2023 ફ્રી ક્રિકેટ કોચિંગ કેમ્પ નું ભવ્ય આયોજન કરવામાં આવ્યું હતું. જેમાં ક્રિકેટ કોચ તરીકે હરદેવસિંહ જાડેજા, સન્ની દલવાડી, પંચોલી સર તથા હરપાલ પઢાર દ્વારા 150થી વધારે વિધાથીર્ઓ ભાગ લીધો છે. તારીખ: 11/01/2023 સુધી સાંજે 5:00 વાગ્યાથી 6:15 વાગ્યા સુધી ક્રિકેટનું કોચિંગ ચાલુ રહેશે. જેમાં 8 વર્ષથી 20 વર્ષના વિધાથીર્ઓ ભાગ લઈ શકશે. સમગ્ર કોચિંગ કેમ્પ ને સફળ બનાવવા સાંદીપનિ ઈંગ્લીશ સ્કુલ ના યુવા એમડી હિતેનભાઈ ઠક્કર તથા સ્ટાફે ભારે જહેમત ઉઠાવી હતી.