મોરબીમાં કાળમુખા ડમ્પર એ ભોગ લીધાની વધુ એક ઘટના સામે આવી છે. જેમાં પુરપાટ ઝડપે જતા ડમ્પરનાં ચાલકે મોરબી કંડલા બાયપાસ પાસે એક મોટરસાઈકલને હડફેટે લેતા મોટરસાઈકલ સવાર બે યુવતીઓ ગંભીર રીતે ઈજાગ્રસ્ત થઈ હતી. જેમાંથી એક યુવતીનું ઘટનાસ્થળે જ મોત નીપજ્યું હતું.જે સમગ્ર મામલે મોરબી સીટી એ ડિવીઝન પોલીસ સ્ટેશનમાં ગુન્હો દાખલ કરવામાં આવ્યો છે.
મળતી માહિતી અનુસાર, મોરબીના જેપુર ગામ ખાતે રહેતી બંસીબેન જીતેન્દ્રભાઇ ધમાસણા નામની યુવતી જસ્મીતાબેન સાથે ગત તા.૧૩/૧૨/૨૦૨૩ ના બપોરના સમયે મોરબીનાં કંડલા બાયપાસ કામધેનુ પાર્ટીપ્લોટ સામે રોડ ઉપરથી પસાર થઇ રહ્યા હતા. ત્યારે જીજે.૧૨.બી.ઝેડ.૮૪૪૨ નંબરનાં ડમ્પરનાં ચાલકે પોતાના હવાલાવાળુ ડમ્પર બેદરકારી પુર્વક લોકોની જીંદગી જોખમાઇ તે રીતે પંચાસર ચોકડી તરફથી દલવાડી સર્કલ તરફ પુરઝડપે હંકારી લાવીને ફરિયાદીના મોટસરસાઈકલ સાથે સાઇડમા અથડાવતા પછાડી દઇ ફરિયાદી બંસીબેનને જમણા હાથ તથા જમણા પગમા મુંઢ ઇજાઓ પહોંચી હતી. તેમજ જસ્મીતાબેનને માથાના ભાગે તેમજ કમરના ભાગે ગંભીર ઇજા થતા તેમનું મોત નીપજ્યું હતું. જે સમગ્ર મામલે મોરબી સીટી એ ડિવીઝન પોલીસ સ્ટેશનમાં ડમ્પર ચાલક વિરુધ્ધ ગુન્હો દાખલ કરાવવામાં આવ્યો છે.
