મોરબીના જેતપર ગામની દીકરીએ જામનગરમાં યોજાયેલ રાષ્ટ્રીય કરાટે ટુર્નામેન્ટમાં સિલ્વર મેડલ મેળવ્યો

મોરબી જિલ્લામાં છેલ્લા ઘણા સમયથી અલગ-અલગ ટેલેન્ટ ધરાવતા યુવા યુવતીઓ સમગ્ર દેશમાં રમત-ગમત ક્ષેત્રે આગળ આવી પોતાના પરિવાર સહિત જિલ્લાનું ગૌરવ વધારી રહ્યા છે. ત્યારે મોરબીનાં જેતપર ગામની વતની અને નિર્મલ વિદ્યાલયની વિદ્યાર્થીની ધનવી પીયુશભાઈ અમૃતિયાએ જામનગરમાં યોજાયેલી રાષ્ટ્રીય કરાટે ટુર્નામેન્ટમાં વિજય મેળવ્યો છે. અને કાતા અને કુમીતમાં સિલ્વર મેડલ મેળવ્યું છે. ધનવી પીયુશભાઈ અમૃતિયાએ વાલજી ડાભીના માર્ગદર્શન હેઠળ વિનય કરાટે એકેડમીમાં તાલીમ મેળવેલી છે.