મોરબી પર કોઈ કાળ મંડરાઈ રહ્યો હોય એવું લાગી રહ્યું છે. ત્યારે વધુ એક દુઃખદ ઘટના સામે આવી છે. જેમાં મોરબીનાં બેલા ગામે રિવર્સમાં આવતી કારે દોઢ વર્ષની બાળકીને હડફેટે લઈ કચડી નાખતા બાળકીનું મોત નીપજ્યું હતું. જે સમગ્ર મામલે બાળકીના પિતાએ મોરબી તાલુકા પોલીસ સ્ટેશનમાં કાર ચાલક વિરુદ્ધ ફરિયાદ નોંધાવી છે.
મળતી માહિતી અનુસાર, મોરબીના બેલા ગામની સીમ બહુચર કાંટા પાછલ કર્મ મીનરલ કારખાનામા રહેતા પ્રકાશભાઇ રુખડુભાઇ ચૌહાણની દોઢ વર્ષની દીકરી જ્યોતી ગઈકાલે બપોરના સમયે બેલા ગામની સીમ બહુચર કાંટા પાછલ કર્મ મીનરલ કારખાનામા રમાતી હતી. ત્યારે યતીનભાઇ કાંતીલાલ ઉઘરેજા નામના વેપારીએ પોતાની GJ-36-F-3310 નંબરની કાર બેદરકારી અને ગફલતભરી રીતે મનુષ્યની જીંદગી જોખમાય તે રીતે રીવેર્સમા ચલાવી જ્યોતીને હડફેટે લેતા જ્યોતિને શરીરે તથા માથાના ભાગે ગંભીર ઇજાઓ પહોંચી હતી. જેના કારણે તેનું ઘટના સ્થળે જ કમકમાટી ભર્યું મોત નીપજ્યું હતું. જે સમગ્ર મામલે પ્રકાશભાઇ રુખડુભાઇ ચૌહાણે મોરબી તાલુકા પોલીસ સ્ટેશનમાં ફરિયાદ દાખલ કરાવી છે.
