હળવદના ચરાડવા ગામે કાર ચાલકે બાળકીને હડફેટે લેતા બાળકી ગંભીર રીતે ઘવાઈ

મોરબી જિલ્લામાં દિનપ્રતિદિન અકસ્માતોના બનાવોમાં ઉત્તરોત્તર વધારો થઈ રહ્યો છે. ત્યારે ગઈકાલે એક કર ચાલકે ૦૪ વર્ષની બાળકીને હડફેટે લીધી હતી. જેને કારણે તેને ગંભીર ઈજાઓ પહોંચતા સારવાર અર્થે હોસ્પિટલ ખસેડવામાં આવી છે.

બનાવ અંગેની પ્રાપ્ત વિગતો અનુસાર, મોરબી જિલ્લાના ચરાડવા ગામે હનમાનજીના મંદિર સામે રોડ ઉપર જતી બાળકીને ગત 14 ઓગસ્ટના રોજ GJ-36-R-9218 નંબરની ફોરવ્હીલ ગાડીના ચાલકે હડફેટે લીધી હતી. જેને લઈ બાળકીને ઈજાઓ પહોંચતા તેને સારવાર અર્થે ખસેડવામાં આવી હતી. ત્યારે આરોપીએ દવાખાનાનો ખર્ચો આપવાની વાત કરી હોવાથી બાળકીના માતાએ પોલીસ ફરિયાદ નોંધાવી ન હતી. પરંતુ બાદમાં ગાડીના ચાલકે પૈસા ન આપતા હેતલબેન અશ્વીનભાઇ સોનગ્રાએ હળવદ પોલીસ મથકમાં પોલીસ ફરિયાદ નોંધાવી હતી.