મોરબી: પ્રમુખ સ્વામી મહારાજના પ્રાગટ્ય દિન નિમિતે BAPS શ્રી સ્વામીનારાયણ મંદિર, મોરબી દ્વારા આવતી કાલ ૩૦ નવેમ્બરે વિશાળ રક્તદાન યજ્ઞનું આયોજન કરવામાં આવ્યું છે. સવારે ૮ થી સાંજે ૫ વાગ્યા સુધી ચાલનારા આ યજ્ઞમાં વધુમાં વધુ નાગરિકો જોડાઈ રક્તદાન કરે તેમ અનુરોધ કરવામાં આવ્યો છે.
મોરબી શહેરમાં પ્રમુખ સ્વામી મહારાજના પ્રાગટ્ય દિન નિમિતે માનવસેવાને અર્પિત વિશાળ રક્તદાન યજ્ઞનું આયોજન BAPS શ્રી સ્વામીનારાયણ મંદિર, મોરબી દ્વારા કરવામાં આવ્યું છે. “બીજાના ભલામાં આપણું જ ભલું છે” જેવા જીવનમંત્રથી પ્રેરાઈને કરોડો હૃદયોને સ્પર્શનાર પ્રમુખ સ્વામી મહારાજની યાદમાં દર વર્ષે અનેક સેવાકાર્યો યોજાતા આવ્યા છે. આ વર્ષ મોરબી ખાતે નિર્માણાધીન મંદિર પરિસરમાં વિશાળ રક્તદાન યજ્ઞનું આયોજન કરવામાં આવ્યું છે. આ રક્તદાન યજ્ઞ આવતીકાલે તા.૩૦ નવેમ્બર ૨૦૨૫ને રવિવારે સવારે ૮ થી સાંજે ૫ વાગ્યા સુધી BAPS શ્રી સ્વામીનારાયણ મંદિર, મોરબી ખાતે યોજાશે. દેશમાં દર વર્ષે અનેક દર્દીઓ રક્તના અભાવે જીવન ગુમાવતા હોય છે. એક વ્યકિતનું રક્તદાન તદ્દન ઓછા સમયમાં ત્રણ જણનું જીવન બચાવી શકે છે, એવું તબીબી રીતે સાબિત થયું છે. તેથી આ પવિત્ર અને માનવ કલ્યાણકારક સેવા કાર્યમાં મોરબીના તમામ સ્વસ્થ, સક્ષમ નાગરિકો સાથે તેમના સગાં-સ્નેહીઓ અને મિત્રો સહભાગી થાય તેવી વિનંતી આયોજકો દ્વારા કરવામાં આવી છે.
