મોરબીમાં મસ્તી કરવાની ના પાડતા યુવકને એક ઈસમે માર મારી આપી મારી નાખવાની ધમકી

મોરબીમાં મારામારીની વધુ એક ઘટના સામે આવી છે. જેમાં એક યુવકની ઈસમ મસ્તી કરતો હોય જે કરવાની ના પાડતા ઈસમે ઉશ્કેરાય જઈ યુવક પર હુમલો કર્યો હતો. અને મારી નાખવાની ધમકી આપતા સમગ્ર મામલે મોરબી સીટી બી ડિવિઝન પોલીસ સ્ટેશનમાં ફરિયાદ નોંધાઈ છે.

મળતી માહિતી અનુસાર, મોરબીનાં રોહીદાસપરા દશામાના મંદીર પાછળ રહેતા પરસોતભાઇ હિરાભાઇ ચાવડાની કિશોરભાઇ મુળજીભાઇ સારેસા (રહે-મોરબી રોહીદાસપરા ચોકમા) મજાક મસ્તી કરતો હોય જેથી ફરીયાદીએ મસ્તી કરવાની ના પાડતા ઈસમે ઉશ્કેરાય જઈ ગાળો બોલી લાકડી વડે ફરીયાદીને ડાબા હાથે પોંચા પર માર મારી ડાબા હાથની ટચલી આંગળીના પોંચાના હાડકામા ફેકચર કરી જાનથી મારી નાખવાની ધમકી આપતા સમગ્ર મામલે મોરબી સીટી બી ડિવિઝન પોલીસ સ્ટેશનમાં ફરિયાદ દાખલ કરાવવામાં આવી છે.