મોરબી તાલુકાના રફાળેશ્વર નજીક હાઇવે પર ફેકટરીમાં ભીષણ આગ લાગી

મોરબીમાં આગ લાગવાની ઘટના દિન પ્રતિદિન વધતી જઈ રહી છે. ત્યારે મોરબી તાલુકાના રફાળેશ્વર નજીક હાઇવે પર વધુ એક વખત આગ લાગવાની ઘટના સામે આવી છે. જેમાં સરોવર પોર્ટિકો હોટેલની નજીક આવેલી ફેકટરી આગની ઝપેટમાં આવી હોવાનું જાણવા મળી રહ્યું છે.

મળતી માહિતી અનુસાર, મોરબી તાલુકાના રફાળેશ્વર નજીક હાઇવે પર સરોવર પોર્ટિકો હોટેલની નજીક આવેલી ફેકટરીમાં ભીષણ આગ લાગી હોવાની ઘટના સામે આવી છે. વિનાયક કોર્પોરેશન નામની પ્લાસ્ટિકની ફેકટરીમાં અચાનક આગ લાગતા અફરા તફરીનો માહોલ સર્જાયો હતો. જો કે, બનાવની જાણ થતા જ મોરબી ફાયર વિભાગની ટીમ તાત્કાલિક ઘટનાસ્થળે જવા રવાના થઈ છે. અને હાલ જાનહાનીનાં કોઈ સમાચાર સામે આવ્યા નથી.