મોરબી અનસ્ટોપેબલ વોરીયર્સ ગ્રુપના સભ્યના જન્મદિવસની પ્રેરણાદાયી ઉજવણી કરાઈ

મોરબીમાં અનેકવિધ સેવાકીય પ્રવૃતિઓથી જાણીતું અનસ્ટોપેબલ વોરીયર ગ્રુપના સભ્ય પ્રભાબેન મકવાણાએ પોતાના જન્મદિવસની પ્રેરણાદાય ઉજવણી કરી હતી.

મોરબીમાં સામાજીક કાર્ય તથા સેવાકાર્યમાં હંમેશા તત્પર રહેતા અને અનસ્ટોપેબલ વોરિયર્સ ગ્રુપના સભ્ય પ્રભાબેન મકવાણાના ગઇકાલે જન્મદિવસ નિમિત્તે મોરબીના અગ્નેશ્વર મહાદેવ મંદિરની આસપાસના ઝુંપડપટ્ટી વિસ્તારના નાના બાળકોને નાસ્તો કરાવ્યો હતો. તેમજ શંકર આશ્રમ પાસે આવેલ વૃદ્ધાશ્રમમાં વડીલોને પણ નાસ્તો કરાવી આશિર્વાદ પ્રાપ્ત કર્યા હતા. આ સેવાકાર્યમાં અનસ્ટોપેબલ વોરીયર્સ ગ્રુપના પ્રમુખ હેતલબેન પટેલ, ભાવિનીબેન, ઉષાબેન, દિલીપભાઈ, હરનવ મકવાણા સહિતના જોડાયા હતા.