મોરબીમાં વધુ એક ટ્રક યમદૂત બની એક વ્યક્તિની જિંદગી હોમી ગયો હતો. જેમાં રંગપર ગામની સીમમાં ટ્રકે એક સાઇકલને હડફેટે લેતા સાઇકલ સવાર આધેડ ગંભીર રીતે ઘવાતા તેમને સારવારમાં ખસેડવામાં આવ્યા હતા. જ્યાં તેમનું ચાલુ સારવાર દરમિયાન મોત નિપજતા મૃતકના પુત્ર દ્વારા સમગ્ર મામલે મોરબી તાલુકા પોલીસ સ્ટેશનમાં ફરિયાદ દાખલ કરવામાં આવી છે.
મળતી માહિતી અનુસાર, મોરબીનાં મહેન્દ્રનગર ખાતે આવેલ ગણેશ નગરમાં રહેતા રમણીકભાઇ ઉધમશીભાઇ પરમાર ગત તા.૧૦/૦૭/૨૦૨૩ ના સવારના સમયે પોતાની સાઇકલ લઈ રંગપર ગામની સીમમાંથી પસાર થઇ રહ્યા હતા. ત્યારે સોમનાથ પેટ્રોલ પંપથી આગળ જેતપર તરફના રોડ પર એક અજાણ્યા ટ્રકના ચાલકે પોતાના હવાલા વાળી ટ્રક પુરઝડપે અને ગફલતભરી રીતે ચલાવીને નીકળી રમણીકભાઇની સાયકલને હડફેટે લઇ રોડ પર પછાડી દઇ ટ્રક ચાલક પોતાનો ટ્રક લઇને નાશી જતા રમણીકભાઇને માથામા ગંભીર ઇજાઓ તથા શરીરે ઇજાઓ પહોચાડતા સારવાર દરમ્યાન તેમનું મોત નીપજ્યું હતું. જે સમગ્ર મામલે મૃતકના પુત્ર રવિભાઇ રમણીકભાઇ પરમાર દ્વારા મોરબી તાલુકા પોલીસ સ્ટેશનમાં ફરિયાદ દાખલ કરવામાં આવી છે.
