મોરબીનાં લાલપર પાસે ઇપોસ સીરામીક કારખાના પાસે હત્યાની ઘટના સામે આવી છે. જેમાં એક શ્રમિકની અડધી રાત્રે અજાણ્યા શખ્સે તીક્ષ્ણ હથિયાર વડે માથામા ઘા મારી હત્યા નિપજાવી હતી. જે સમગ્ર મામલે મોરબી તાલુકા પોલીસ સ્ટેશનમાં ફરિયાદ નોંધાઈ છે.
મળતી માહિતી અનુસાર, મોરબીના લાલપ૨ ખાતે આવેલ ઇપોસ સીરામીક કારખાનાના લેબર ક્વાર્ટ્સ પાસે રહેતા સૌનાતનભાઈ જાપનભાઈ કાઇકા ને તાવ આવેલ હોય જેથી તેઓ ગઈકાલે રાત્રે નાઈટ ડ્યુટીમાં મજુરી કામે ગયેલ ન હોય ત્યારે તે રાત્રીના કોલોનીમાંથી બહાર ગયેલ હોય તે દરમ્યાન રાત્રિના દોઢેક વાગ્યા પહેલા કોઇ અજાણ્યા માણસએ કોઇ કારણોસર સોનાતનભાઈને તીક્ષ્ણ હથિયાર વડે માથામા તથા કપાળના ભાગે ગંભીર ઇજા પહોંચાડતા યુવકનું મોત નીપજ્યું હતું. જે સમગ્ર મામલે સૌનાતનભાઈની સાથે કામ કરતા લખનભાઇ માગેયાભાઈ બારીએ મોરબી તાલુકા પોલીસ સ્ટેશનમાં ફરિયાદ નોંધાવી છે.જેને આધારે મોરબી તાલુકા પોલીસે ગુનો નોંધીને હત્યારાઓ સુધી પહોંચવા તપાસનો ધમધમાટ શરૂ કર્યો છે.
