મોરબીમાં નોકરીની શોધમાં આવેલ પરપ્રાંતીય યુવકે ટ્રક હેઠળ ઝંપલાવી આત્મહત્યા કરી

મોરબીમાં આપઘાતની વધુ એક ઘટના સામે આવી છે. જેમાં મોરબી નોકરી ગોતવા આવેલ એક યુવકે અગમ્ય કારણોસર ટ્રક સામે કૂદી જઈ આપઘાત કરી લેતા સમગ્ર મામલે મોરબી તાલુકા પોલીસ સ્ટેશનમાં અકાળે મોતની નોંધ કરવામાં આવી છે.

મળતી માહિતી અનુસાર, યુ.પી.નાં બેન્દન ગામે રહેતા જલંધરભાઇ કુંજબિહારી વર્મા પોતાના કુટુંબી ભાઇ સાથે મોરબી સીરામીક કારખાનામા કામ શોધવા માટે આવેલ હોય અને તેને મગજની તકલીફ હોવાથી લાલપર પાવર હાઉસ સામે અજાણ્યા ટ્રક નીકળતા પોતાની જાતે કુદકો મારી ટ્રકના પાછળના વ્હીલ પાસે ભટકાતા માથામા તથા મોઢાના ભાગે ગંભીર ઇજાઓ થતા મોત નીપજ્યું હતું. જે સમગ્ર મામેલ મોરબી તાલુકા પોલીસ દ્વારા અકાળે મોતની નોંધ કરવામાં આવી છે.