માળીયા(મી): ઓનેસ્ટ ચેક પોસ્ટ ખાતે વાહન ચેકીંગ દરમિયાન માળીયા(મી) પોલીસ ટીમે ૨૫૦ લીટર દેશી દારૂ ભરેલી સ્વીફ્ટ ડિઝાયર કાર ઝડપી લેવામાં આવી હતી, આ સાથે આરોપી કાર ચાલકની અટકાયત કરી તેની વિરુદ્ધ કાયદેસરની કાર્યવાહી હાથ ધરવામાં આવી હતી.
મળતી માહિતી અનુસાર, માળીયા(મી) પોલીસ ટીમ નાઈટ રાઉન્ડ કોમ્બિન્ગમાં હોય તે દરમીયાન ઓનેસ્ટ ચેક પોસ્ટ ખાતે વાહન ચેકીંગ કામગીરીમાં હોય તે દરમિયાન સ્વીફ્ટ ડિઝાયર કાર રજી.નં. જીજે-૦૩-સીઈ-૩૭૭૧ ત્યાંથી પસાર થતા તેને રોકી તેની તલાસી લેતા તેમાંથી પ્લાસ્ટિકના કુલ ૧૦ બાચકામાં ૨૫૦ લીટર દેશી દારૂ કિ.રો. ૫૦ હજાર મળી આવ્યો હતો , આથી પોલીસે કાર ચાલક આરોપી પરેશભાઈ દિનેશભાઇ સોલંકી ઉવ.૧૯ રહે. મોરબી-૨ શોભશ્વર રોડ મફતિયાપરાવાળાની સ્થળ ઉપરથી અટક કરી, સ્વીફ્ટ ડિઝાયર કાર અને દેશી દારૂ સહિત કુલ કિ.રૂ. ૨.૫૦ લાખનો મુદ્દામાલ કબ્જે લીધો હતો. આ સાથે પકડાયેલ આરોપી વિરુદ્ધ પ્રોહી.એક્ટ હેઠળ ગુનો નોંધી આગળની કાર્યવાહી હાથ ધરવામાં આવી છે.
